Affichage des articles dont le libellé est Prière. Afficher tous les articles
Affichage des articles dont le libellé est Prière. Afficher tous les articles

lundi 4 juin 2018

Quelques prières usuelles de l’Église Catholique Romaine en Guidar

1-    Dǝ wiya na Afǝn (Au nom du Père – Signe de croix)

Dǝ wiya na Afǝn
na Wǝtǝn
may na Zeŋgile Senido
Amen.

2-    Afǝm an edesiŋ (Notre Père qui es aux cieux – Pater Noster qui est in cæli)

Afǝm an edesiŋ
ɗiy pak degakdakanǝngǝn wiya noko
dǝɗiykungǝn ka mǝliy neti
dǝprǝmnǝngǝn moka ka dǝlvofuŋ va edisiŋ.
Apsǝm dǝpaŋk way nam na paypakǝ applan mbrayin
namǝ, va mǝdapplan sǝka walaŋmǝ, kǝɓoŋgǝn akam
dagɗa mbrayni ; atrǝm sǝka zǝga mbrayni. Amen.

3-    In tat usɗoko Mariya (Je vous salue Marie – Ave Maria)

In tat usɗoko Mariya.
kǝbǝk grasiya, Maŋgǝva tay di isi, is mattuŋuk sǝ weleŋit gul pakǝ. Yezu Wutuko mettiŋgin i.
Mariya senido Ma Maŋgǝlva aɓuh mok viyǝm mǝgǝɗ
Mbrayni, gǝgaŋka, dǝ pay na mta namǝ. Amen.

4-    In tat ǝtaf Maŋgǝlva (Je crois en Dieu – Credo)

In tat ǝtaf Maŋgǝlva, Afǝn mǝzawɓap pakǝ, mǝz dǝgɗa edisiŋ gǝm delva ; dǝ Yezu Kristu wǝtǝn makatǝrgǝni Daya namǝ, Zeŋgile Senido dǝdiy daway nani, ŋbuɓɓo Mariya tǝwa, Yezu Kristu, azǝmǝk saha aba mǝliy Ponse Pilate, mǝkpa’ni aka mǝzlurehe, amtǝka, mǝndǝkni, ambatǝk a tǝkiy net mimtiti, esilik pay mohoko’o, epeŋk edisiŋ, asanǝk dǝka va dǝzǝŋ na Maŋgǝlva Afǝn mǝzawɓap pakǝ, sǝdak adazzan ǝtaw sariya sit ɗiy medereti may sit mimtiti.
In tat ǝtak Zeŋgile Senido, Egliz katolik, ǝsap net senibe, ǝpplan mbrayni, isiliye ne zit ɗiyi, ǝnziya medereti handolu.
Amen.

5-    In tat ǝnahsǝn Maŋgǝlva (Je confesse à Dieu Tout Puissant – Confiteor)

In tat ǝnahsǝn Maŋgǝlva mezzawɓap pakǝ, nǝzǝnǝk ebet milmiŋgiɗwa ; nǝgǝɗǝk mbrayni : dǝɗɗumo, duwpele, dagɗa zǝga gǝm ɗǝ ǝppla ǝgɗa zǝga an na gɗa.
Ha’aw nǝgǝɗǝk mbrayin tǝstǝsǝ.
Vi waski nǝdawɓuh maw sǝt ŋguɓɓo Mariya, sit maslayɗe na Maŋgǝlwa gǝm sit senibe pake gǝm sukum milmiŋgiɗwa, keɓuhnǝngǝn mokum sǝn Maŋgelwa Daya nam viwa.

Mettiŋgin aka Afǝn aka Wǝtǝn may aka Zeŋgile Senido
Va mettiŋgin gǝgaŋka handolu addǝf ǝzva pakǝ. Amen.

Mǝgakdakansǝm Afǝn, Wǝtǝn. gǝm Zengile senido.
Va mettiŋgin gǝgaŋka handolu addǝf ǝzva pakǝ. Amen.

6-    Uɓuhma Na ŋgla (Acte de Charité)

Maŋgǝlva nawa, is tat ǝŋgluwu tǝstǝsǝ day ki zǝga mbrǝn pakǝ, vi moggok kǝnan sowɓa ; in tat ǝŋgluw ɗiy mbrit va nǝŋgluw zuw vi kaŋgluwko.

7-    Uɓuhma Na Wtafa (Acte d’Espérance)

Maŋgǝlva nawa, in tat ǝtaf an kǝssak akani may Egliz adawzaŋgiyǝm akani, vi mok azlzlaɓ ɓa, may kawmakam dǝrwa ɓa.

8-    Uɓuhma Na Wga Maŋgǝlva (Acte de Foi)

Maŋgǝlva nawa, in tat ǝga sǝ voko, kǝvaygǝn grasiya nok aka dǝlva, edisiŋ handolu, nǝsawgǝn di isi, dǝza ki wǝza na Yasu Kristu.

9-    Uɓuhma Na Wɗiy Marava (Acte de Contrition)

Maŋgǝlva nawa, in tat ǝɗiy marava diɗa na mbrayin nawa, vi moggok kǝnani, vi kaŋgla mbrayin ɓa : pay an ebe dǝ grasiya noko abbohsuwa, kǝta nǝdagɗa mbrayin ɓa, wanǝfaɗsuko.